فحص الميكانيك التكميلي :(

طيب عشر مسجات عل موبايل … 20 مسج على الفيس … ليش؟؟؟
لانو عل أساس اليوم كان عندي فحص …. بس شو فحص بياخد العقل -_- :(((
أول شي اجينا عأصوات رصاص وطيارات فوقنا كالعادة(جامعتنا على طريق المطار) بس ما خلونا نفوت عل جامعة للساعة 8 وعشرة !!!! هيك ممنوع ! المهم الأصوات عم تقرب وترجع تبعد … فتنا وأخبرا عل قاعة …
كانت الصدمة أنو قاعدين بأكبر مدرج بالهمك على خمس طلاب o.O كيف بدنا نتنقل ؟؟؟
طيب الصد

مة الأكبر نحنا بلشنا نكتب كانت مفاجآت بانتظارنا بووووووووووووووووووووف بوووووووووووووووووف بين كل حرف وحرف … صار الصوت قريب كتير ومو صوت رصاص صوت شو ما بعرف !
الصدمة الكبرى واللي ما حدا اتوقعها لسا ما بلشنا بأول مسألة عم يطلع الcos a =2 ؟؟؟!!!!!!!!!!! أي لاءة ولي وين الغلط ! رجعت شوف الأرقام والله مزبوطين طيب الرسمة القوى ؟؟!!!! ما في شي غلط ما في غير أنو القوى الدكتور كاتبة بالغلط سألت فرح لك شو الكوساين ؟؟؟؟!!!! المفاجأة أنو 2 ؟؟؟ نط مايكل وأنا 2 سألت لين لك 2 يعني أجمعنا عل اتنين !! بالصدفة مر مدري مين “”الله يخليك شفلنا الدكتور عيسى “” ال أي ما شي راح وما رجع ولا الدكتور رجع أو أجى يا ربي طيب شو ؟!بحاكي مراقب مراقبتنا التلو الله يخليك الدكتور
هو::ليش؟
أنا :: الاسئلة كأنو فيها غلط
طرقنا موشح لك واكتر محاضرة طويلة عريضة
هو:: أنا صلي 30 سنة مراقب بعمرو الدكتور عيسى ما طلع عندو غلط
أنا :: ما عم أقول أسئلتو غلط
هو:: ليش بس أنتو القاعة اللي عم تنق وبدها الدكتور
أنا :: ما حدا دارس 😛
هو:: أيواه خير منيح دارسين
أنا :: أي مو معقول كلنا غلط !!
هو :: مرة القاعة كانت ملانة وكلو عم يقول في غلط بالأسئلة اجى الدكتور حكى كلمة سكت الكل المهم رايح ناديلكون ياه ولنشوفكون شو دارسين
فرح:: أي بالنهاية نحنا طلاب وهو دكتور … عادي نحنا نخربط
المراقبة :: ما شا الله عليكون ليش مو فايتين حقوق !
بعد فترة … رجع نفس المراقب
مايكل :: شو صار معك جاية الدكتور
هو:: ما بكذب عليكون والله موبايلو خارج التغطية
مايكل :: طيب والحل أكيد في غلط
ومن كتر الالحاح وشكلو يمكن هندسة أو شي فيو ميكانيك شاف المسألة ولاحظ أنو فعلا فيها غلط … سكت وطلع لبراو رجع يدق بس الدكتور موبايلو خارج التغطية
وبهذه الأجواء وضمن الحفلات الموسيقية والضباب النسبي والأخطاء في الفحص …
قدمنا فحص … بالنسبة للدكتور اجى اخر عشر دقايق وقلنا تركوا المسألة وما ححاسب عل أرقام !!!!!!!!!!!!!!!!!!!!!! بعد شو ؟؟؟؟؟ وأحلى الشي المسألة التالتة مو آخدينها ولا أي نمط منها!!!!!!!!!!!!!!!!!!!!!!!!!!!!!!! طيب تضرب أنت والميكانيك تبعك المهم أنا فهمت المادة وصرت أعرف حل …. 😉 XD و أما شو فحص ما تمنيت حدا فيه المهم رجعت شقفة وحدة عل بيت لذلك الشكر الجزيل لكل مين دقلي ورجعت سالمة على بيتي الحمد لله 🙂 ^_^ وفحص آخر زمن …
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s